Raheem Sterling është lojtari më i ri i Chelsea, teksa zyrtarizimi ka ardhur nga vetë klubi londinez ditën e sotme.
Sterling ka firmosur një kontratë 5-vjeçare, me mundësi rinovimi edhe për një tjetër sezon.
Blutë e Londrës do të paguajnë një shumë prej 56 milionë eurosh te Mancheser City për të siguruar shërbimet e 27-vjeçarit.
Sterling ishte një nga shtyllat kryesore në skuadrën e Guardiolës në vitet e para të trajnerit spanjoll te City, por në sezonet e fundit e ka humbur vendin e titullarit dhe për këtë arsye vendosi të ndryshojë ambient.
Anglezi me rrënjë xhamajkane u transferua në “Etihad” në verën e vitit 2015 nga Liverpool dhe në 339 paraqitje për Manchester Cityn ai shënoi 131 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
