Sulmuesi Julian Alvarez ka arritur shumë shpejt të jetë një ndër risitë e Amerikës së Jugut . Ylli i River Plate me vetëm 21 vite mbi supe i ka bindur ‘’ Los Millonarios ‘’ dhe trainerin Marcelo Gallardo se shumë shpejt mund ta humbasin sepse gjigandët e kontinentit të vjetër po fërkojnë prej kohësh duart për lojtarin nga Kordoba.
Karakteristikat e lojës dhe mënyra e finalizimit janë të ngjashme me ato të idhullit të kryeqytetasve Gonzalo Higuain i cili para shumë vitesh la ‘’ El Monumental “ dhe vendosi të udhëtonte drejt ‘’ Santiago Bernabeut ‘’ për të mbrojtur ngjyrat e Real Madridit .
Pas ‘’ Galaktikëve ‘’ , Atletico Madridi , Milani dhe Interi kanë treguar interes për Julian Alvarezin dhe ky fakt sigurisht vijon të analizohet nga drejtuesit nga Buenos Airesi të cilët mund të fuqizojnë arkat me shitjen e talentit argjentinas.
Ky është një moment kyç në karrierën e Julian Alvarezit i cili konsiderohet një ndër futbollistët më premtues të dalë nga akademia e River Plates dhe ideja e të luajturit në Europë përforcohet dita- ditës .
24 gola dhe 15 asiste në 46 ndeshje flasin me superlativa për golashënuesin dhe kjo luftë mbetet për tu shijuar deri ne fund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
