E ardhmja e Cristiano Ronaldos tek Juventus sa vjen edhe bëhet më e vështirë . Ditën e djeshme agjenti i portugezit Jorge Mendes ka mbërritur në Torino për të negociuar largimin e luzitanit . Për 5 herë fituesin e Topit të Artë po lufton shumë fort Manchester City i Pep Guardiolas dhe anglezët nuk mendojnë të dorëhiqen deri në ditën e fundit të merkatos .
Sipas gazetarit të famshëm Ekrem Onur ‘’ Los Citiziens ‘’ po i mbajnë të ndezura shpresat për të firmosur me sulmuesin nga Madeira me objektivin e qartë të kapjes së majave dhe të ngrejnë një herë e mirë trofeun e Champions Leagues për të cilin anglezët luftojnë prej vitesh .
36 vjeçari është një garanci absolute jo vetëm për Manchester City-n por për çdo skuadër të njohur , fakt që e ka dëshmuar më së miri në të kaluarën . Dështimi për Harry Kane-n i ka detyruar kampionët në fuqi të Premier Leagues për të tentuar rikthimin e ‘’ Cr7 ‘’ në djepin e futbollit . Megjithatë kjo skuadër duhet të bëjë shumë kujdes sepse edhe Paris St Germain lufton fort për Cristiano Ronaldon me pretendimin e ndërtimit të një skuadre yjesh e cila me siguri do të jetë e papërballueshme nga kundërshtarët .
S’ duhet harruar as e shkuara e tij në ‘’ Old Trafford ‘’ sepse një kalim i mundshëm tek të ashtuquajturit ‘’ Citiziens ‘’ do të gjeneronte një polemikë të paevitueshme .
Skuadra që do të ketë fatin e pasjes në organikë të golashënuesit të mirënjohur pa dyshim që do të jetë tepër e privilegjuar në një sezon që parashikohet të jetë tepër kompetitiv dhe me të papritura dhe City e ka kuptuar se për të evituar gabimet në faza determinante i duhen lojtarë të kalibrit për arritjen e objektivave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
