Dëmtimet e njëpasnjëshme nuk e kanë lënë Eden Hazardin të triumfojë tek Real Madridi . Me transferimin në ‘’ Santiago Bernabeu ‘’ belgu u konsiderua zëvëndësuesi ideal i Cristiano Ronaldos por ‘’ Galaktikët ‘’ janë duke vuajtur shumë luhatjet e sulmuesit i cili do të jetë në mbikqyrjen e rreptë të Carlo Ancelottit në muajt në vijim .
Sipas ‘’ Elespanol ‘’ shanset për të qëndruar tek ‘’ Los Blancos ‘’ janë pothuajse të zeruara për ishi-n e Chelseat për të cilin drejtuesit e spanjollëve do të dëgjojnë oferta duke filluar nga merkatoja e janarit .
Vendimi i tyre konsiderohet i drejtë duke marrë shkas nga performanca e 30 vjeçarit i cili më tepër e ka parë veten jashtë fushave sesa brenda tyre .
Investimi 160 milionë eurosh i bërë nga Real Madridi kur e transferoi nga Chelsea në merkaton e 2019-tës entuziazmoi tifozerinë e zjarrtë të tyre bashkë me drejtuesit për arsye se kishte shkëlqyer në çdo aspekt tek ‘’ Blutë e Londrës ‘’ por fati nuk ka qenë në anën e tij tek madrilenët tek të cilët e ka parë veten shumë larg atyre periudhave të suksesshme në të kaluarën .
Aktualisht Eden Hazard po vuan tek madrilenët dhe është zëvëndësuesi i Vinicius Junior i cili mbetet preferenca e parë e teknikut italian.
Misioni për ishi-n e Lillës parashikohet gati – gati në kufinjtë e të pamundurës tek Real Madridi , fakt që e forcojnë paraqitjet e bëra . Zgjidhja më e mirë është gjetja e një ambjenti komod që i garanton aktivizimin si titullar me qëllimin e rikuperimit të vlerave të humbura .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
