Futbollisti i Kombëtares Myrto Uzuni, që luan në Hungari me Ferencvaros, me shumë mundësi do lëvizë në merkaton e verës për shkak të sezonit pozitiv. Më herët është shkruar se për të ka disa skuadra të interesuara, ndërsa tani është zbuluar edhe pretendimi i hungarezëve për sulmuesin shqiptar.
Media greke “Sport Time” shkruajti më herët se kërkohej me ngulm nga gjigantët e Olimpiakos. Kësaj rradhe janë hungarezët që shkruajnë për sulmuesin beratas, ku sipas raportimeve të “Csakfoci.hu”, thuhet se Ferencvarosh kërkon 4 milionë euro për Uzunin, por kjo ofertë është konsideruar e lartë për skuadrën helene.
Në median e njohur thuhet se klubi i Ferencvarosh ende nuk ka marrë një ofertë zyrtare. Myrto Uzuni deri më tani është aktivizuar në total me fanellën e klubit të madh hungarez në 36 sfida ku ka mundur të realizojë 15 gola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
