Egnatia ka prezantuar ditën e sotme afrimin e radhës në skuadër. Besart Krivanjeva është futbollisti më i ri i skuadrës rrogozhinase. Ka qenë vetë klubi që nëpërmjet rrjeteve sociale ka njoftuar se ka firmosur për 2 vite me mbrojtësin e qendrës.
Në sezonin e fundit, 25-vjeçari ka qenë ndër lojtarët më të mirë të Shkupit në Maqedoninë e Veriut, tek të cilët mbajti edhe shiritin e kapitenit. Kjo do të jetë aventura e parë e Kirvanjevës në Shqipëri, ndërsa në të kaluarën është aktivizuar edhe me përfaqësuese e moshave të Maqedonisë së Veriut.
Mbrojtësit i kishte skaduar kontrata me Shkupin pas përfundimit të sezonit dhe për këtë arsye ishte lojtar i lirë, ndërkohë që tashmë do të vazhdojë karrierën në Superiore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
