Sulmuesi Rafael Leao, ka rinovuar me Milanin. Portugezi ka zgjatur bashkëpunimin e tij me kuqezinjtë, deri në vitin 2028, ndërsa do të përfitojë 5 milionë euro në sezon, plus bonuse.
Marrëveshja mes palëve ishte arritur prej ditësh, por vetëm këtë të premte ka ardhur firma në kontratë, ndërsa kjo u konfirmua nga vetë lojtari.
Jam shumë i lumtur, ishte diçka që doja të bëja dhe tani është bërë . Shpresojmë të bëjmë gjëra të mëdha në të ardhmen. Negociatat? Ne gjetëm një marrëveshje dhe jam shumë i lumtur. Shkojmë në Verona dhe vitin e ardhshëm duam të fitojmë gjëra të rëndësishme.
Leao është kthyer në një nga lojtarët më të rëndësishëm për kuqezinjtë, që e shohin si pikë referuese për të tashmen dhe për të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
