Bylisi është skuadra kampione, për sezonin 2020-2021, në Kategorinë Superiore U-21. Ballshiotët e kanë mbyllur kampionatin në vendin e parë me 63 pikë, pas 24 javëve të luajtura. Skuadra mallakastriote, arriti të sigurojë 21 fitore dhe 3 humbje në 24 javë kampionat, duke lënë pas Laçin me 58 pikë. Bylisi mposhti ditën e sotme Dinamon me rezultatin 4-0, ku protagonist absolut ka qenë Reanto Spahiu, i cili realizoi 3 gola, ndërsa tjetri u shënua nga Hajdëraj. Në përfundim të sfidës, lojtarët e Bylisit ngritën trofeun e kampionit në stadiumin e tyre.
Kujtojmë se ky ishte sezoni i parë i Kategorisë Superiore për 21-vjeçarët. Ndërkohë që Bylisi i 21-vjeçarëve festoi sot titullin kampion, krejt ndryshe është situata për skuadrën e parë, që këtë sezon ka pasur shumë vështirësi dhe lufton për mbijetesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
