Skuadra e Interit vijon të jetë shumë aktive në lidhje me merkaton . Pas transferimit të Andre Onanas në ‘’ Giusseppe Meazza ‘’ traineri Simone Inzaghi e vijon të shpresojë për disa lojtarë që janë drejt përfundimit të kontratës me ekipet respektive. Sipas ‘ Calciomercatos ‘ lista vijon me Lorenzo Insigne i cili akoma nuk e ka gjetur gjuhën e përbashkët me drejtuesit e Napolit dhe kontrata që mund ti ofrojnë kampionët në fuqi të Serisë A mund të rezultojë bindëse për ekstremin italian .
Fitimi i Europianit ‘’ Azurrët ‘’ ia ka rritur kreditet për të ndryshuar destinacion dhe fakti se italianët arritën të mposhtin dominimin 9 vjeçar të Juventusit mund ta bindë për të udhëtuar drejt Milanos. Pas tij renditet Andrej Kramaric. Kroati prej disa sezonesh është shëndërruar në referencën e sulmit të Hoffenheim dhe të Bundesligës dhe kurrsesi syve të mprehtë të drejtuesve të Interit nuk mund ti shpëtonte ky element .
Listës nuk mund ti mungonte as Andreas Christensen që me shumë meritë ka bindur Thomas Tuchel dhe tashmë është titullar i padsikutueshëm tek londinezët por fakti se është drejt përfundimit të kontratës e bën të shpresojë skuadrën nga Milano . Një tjetër opsion është Andrea Belotti. Emri i sulmuesit ka qarkulluar pa ndalim në zyrat e Interit gjatë muajve të fundit por vendosi të qëndrojë tek Torino me të cilën i pëfundon kontrata në fundin e sezonit .
Italiani ndiqet nga Axel Witsel për të cilin drejtuesit e Borussia Dortmundit nuk kanë reaguar në lidhje me rinovimin e kontratës dhe Interi kërkon ta largojë nga ‘’ Signal Iduna Park ‘’ sepse vlerësohet shumë nga Simone Inzaghi .
Në listën e gjatë të Interit përfshihet edhe Corentin Tolisso nga i cili Bayern Munchen priste më tepër , fakt që ia ka vështirësuar mundësinë e rinovimit të kontratës. Dëmtimet e shpeshta e kanë penalizuar ndjeshëm por ishi i Lazios beson në aftësitë e francezit . Lista mbyllet me Paulo Dybala dhe Franck Kessie . Këto lojtarë kanë një koefiçent të lartë vështirësie për arsye të rëndësisë së tyre dhe për më tepër janë në negociata e sipër në lidhje me rinovimin e kontratës.
Megjithatë Interi nuk pranon të dorëzohet dhe nëse do të kishin fatin e transferimit në Milano do të cilësoheshin ndër operacionet më të bujshme të merkatos .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
