Trajneri i Bayrn Munich, Thomas Tuchel, pret një atmosferë të zjarrtë nga tifozët në përballjen me Real Madrid.
Duke folur në konferencë për shtyp, tekniku gjerman vlerësoi kundërshtarin, por shtoi se skuadra e tij do trofeun dhe për këtë arsye synohet fitorja.
Ne kemi nevojë për një atmosferë absolutisht të lartë. Suporti i tifozëve kundër Arsenalit ishte i një niveli ekstrem. Sigurisht që ekipi ka nevojë për një dorë në ndeshje kaq të rëndësishme. Stadiumi i Bayern-it cilësohet me të drejtë si ferr për rivalët, tashmë është koha e duhur për ta demonstruar.
Ne duam kurorëzimin në kompeticionin më elitar. Jemi gati dhe kemi shumë besim se do ia dalim. Pas kualifikimit ndaj Arsenalit, misioni i radhës quhet Real Madrid. Dëshira e djemve diktohet në seancat stërvitore. Të luash në të tilla nivele është maja e futbollit, kështu që sonte do jetë një shans për të gjithë lojtarët të tregojnë sesa vlejnë, pa harruar peshën e fanellës.
Nëse i referohemi rrugëtimit që kemi realizuar në Champions, me atë në Bundesligë, duke sikur nuk ka lidhje. Gjithsesi konsistenca është thelbësore në menaxhimin e situatave, të cilat mund të rezultojnë vendimtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
