E ardhmja e Nedim Bajramit nuk është vendosur ende, ndonëse duhen edhe pak orë nga mbyllja e merkatos.
Fantazisti shqiptar, i cili është pjesë e Empolit, mund të vazhdojë karrierën në një tjetër klub në Serie A.
Prej kohësh, Bajrami është lidhur me një kalim të mundshëm te Fiorentina, por duket se kjo nuk do të realizohet, pasi skuadra nga Firence është tërhequr nga gara.
Së fundmi, në skenë ka dalë Sassuolo, me trajnerin Dionisi që i ka kërkuar drejtuesve Bajramin, pasi e njeh mirë, nga koha kur drejtonte Empolin.
Palët janë në bisedimet dhe në orët e ardhshme, nuk përjashtohet arritja e një marrëveshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
