Aventura e Esat Malës te skuadra e Superligës turke Girsesunspor, pritet të mbyllet më shpejt se sa ishte menduar.
Sipas asaj që raportojnë mediat turke pranë klubit në fjalë, drejtuesit i kanë bërë të ditur mesfushorit se nuk është në planet e tyre për sezonin e ri dhe i kanë kërkuar të gjejë një ekip të ri, për t’u larguar.
Forma e treguar nga futbollisti në stërvitje dhe në miqësoret e zhvilluara, nuk ka lënë një shije të mirë te trajneri dhe drejtuesit, të cilët tashmë i kanë kërkuar largimin mesfushorit.
Mala u bashkua me Girsesunsporin këtë verë, pasi mbylli aventurën me Partizanin në fund të sezonit të kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
