Pas një sezoni paksa të luhatur për arsye të aktivizimit të reduktuar Junior Firpo gjatë kësaj kohe ka akumuluar disa pretendentë në Europë. Humbja e rivalitetit me Jordi Alban e ka penalizuar progresin e dominikanit por eksperienca me siguri nuk do ta lërë në baltë sepse janë 5 emra të fuqishëm që interesohen për shërbimet e 24 vjeçarit. I pari që kryeson listën është Leeds United. Traineri Marcelo Bielsa e vlerëson shumë për arsye të polivalencës nga e cila karakterizohet dhe sipas ‘ Daily Mail ‘ do ti shërbente shumë taktikave të tij. Së dyti është West Ham United. Kualifikimi për në kompeticionet europiane ia ka rritur shpresat dhe njëkohësisht përgjegjësinë për të bërë mirë në merkato. Prezenca e Aaron Cresswell nuk ka rezultuar e mjaftueshme për "The Hammers", të cilët kërkojnë një lojtar që ofron garanci nga krahët .
Pas tyre renditet një tjetër ekip anglez. Eshtë Southampton që drejtohet nga Ralph Hasenhuttl, i cili pas një sezoni për t'u harruar, kërkon të marrë masat për të mos përsëritur hapat fals në vijuesin. Kjo goditje sigurisht do t'i jepte një lloj shprese për më tej sepse ndërthurja shpejtësi-teknike e shëndërrojnë profilin e tij në më interesant. I katërti në listë është Interi.
Zikaltërit janë përpara një investimi të konsiderueshëm siç është shitja e Achraf Hakimit që me shumë gjasa do të përfundojë tek Paris St Germain dhe zgjidhja e menduar nga 19 herë kampionët e Italisë është pikërisht Junior Firpo. Lista mbyllet me Milanin. Rikthimi në Uefa Champions League ia ka shtuar intensitetin kuqezinjve të cilët po mundohen të gjejnë elementët e duhur për të konfrontuar këtë kompeticion, ashtu siç duhet dhe Junior Firpo e përmbush shumë mirë këtë kërkesë.
Revolucioni i përgatitur në "San Siro" është në një rrugë të drejtë dhe sezoni i ri do të jetë përcaktuesi i veprimeve të Milanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
