E ardhmja e portierit të Kombëtares, Thomas Strakosha te Lazio nuk është e sigurt. Gardianit kuqezi i përfundon kontrata me bardhekaltrit sezonin e ardhshëm dhe po punohet për rinovimin e saj.
Megjithatë për të pranuar rinovimin, shqiptari ka dy kërkesa në drejtim të Lazios. Sipas “Radiosei”, Strakosha ka kërkuar garanci për të ardhmen, pra të ketë më shumë minuta, ndryshe nga sezoni që sapo u mbyll, ku u aktivizua pak, pasi trajneri Inzaghi i besoi portën Reinas.
Gjithashtu kërkesa tjetër e Strakoshës është rritja e pagës. Portieri i Shqipërisë kërkon rritje të pagës, për të pranuar rinovimin dhe në rast se kjo nuk i plotësohet atëherë do të shikojë të vazhdojë karrierën diku tjetër, ose do të qëndrojë edhe një sezon te Lazio, për t’u larguar vitin tjetër si lojtar i lirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
