Krenar Alimehmeti është zgjedhur kryetar i Shoqatës Rajonale të Futbollit Tiranë. Alimehmeti në garë kandidonte përballë Eduart Prodanit, ndaj të cilit doli fitues.
Votat e 44 delegatëve ishin në favor të Alimehmetit, kundrejt 2 delegatëve që votuan për Prodanin.
Të drejtë vote në Shoqatën Rajonale të Futbollit Tiranë, kishin 67 delegatë, ku dy prej të cilëve nuk janë paraqitur në zgjedhjet e sotme. Vlen të përmendet se Prodani, u largua nga ambientet e FSHF bashkë me 18 delegatë pak para se të mbahej procesi i votimit, për shkak se pretendoi se numri i delegatëve ishte më i lartë, nga sa ishte parashikuar në fillim.
Për zgjedhjet në Shoqatën Rajonale të Futbollit Tiranë, ka pasur tension të madh ditët e fundit, teksa aty është përfshirë edhe kryebashkiaku i Tiranës, Erion Veliaj, i cili mbështeste Prodanin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
