Interi është gati të zyrtarizojë sponsorin e ri në fanellë, i cili do të ndryshojë për herë të parë pas plot 26 vitesh. “Pirelli” dhe Interi mbyllën bashkëpunimin mes tyre në fund të sezonit dhe tashmë në fanellën e zikaltërve do të vendoset një sponsor i ri.
Mediat italiane kanë zbuluar se sponsori i ri në fanellën e Interit do të jetë “Socios.com”, një kompani e lidhur me kriptovalutat. Ky sponsor do të garantojë 20 milionë euro në sezon për Interin. Te pjesa e pasme e fanellës do të jetë “Lenovo”, e cila do i garantojë klubit 5 milionë euro.
“Socios.com” ka nisur të përhapet në futboll dhe dje njoftoi edhe arritjen e marrëveshjes me klubin anglez të Arsenalit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
