Largimi i Gareth Southgate nga Anglia ishte fundi i një kapitulli gjatë eksperiencës së tij si trainer.
Numri një i stolit i dërgoi deri në finalen e Europianit ‘’ Tre Luanët ‘’, të cilët nuk mundën ti bënin ballë furisë së Spanjës.
Zhgënjimi është shumë i madh për krerët e Federatës, pasi nën drejtimin e 53 vjeçarit Anglia ka humbur dy finale rrjesht në këtë kompeticion.
Tanimë ka filluar të mendohet për zëvëndësuesin dhe në listë përfshihen tre emra. I pari është ai i Pep Guardiolas, kontrata e të cilit me Manchester City-n merr fund në 2025-sën.
Në vitet e fundit spanjolli ka treguar se është një ndër trainerët më të mirë në botë, i cili nëse do të ulet në pankinën e kësaj kombëtareje, ndoshta mund ta ndryshojë rrugëtimin drejt trofeve në të ardhmen.
Një tjetër opsion është edhe Jurgen Klopp, i cili pas eksperiencës me Liverpoolin shikohet një kandidat potencial për të drejtuar ish kampionët e botës në 1966-tën.
As Thomas Tuchel nuk i shpëton kësaj liste, i cili momentalisht është pa ekip që prej largimit nga Bayern Muncheni.
Eksperiencat tek Paris St Germain, Chelsea apo bavarezët natyrisht e kanë ndihmuar gjermanin, i cili në të kaluarën e fitoi Champions Leaguen me ‘’ Blutë e Londrës ‘’.
50 vjeçari shquhet për ndryshimin e shpeshtë në aspektin taktik, fakt që i ka shëndërruar ekipet edhe në më të frikshëm në të kaluarën.
Gjithashtu Sarina Wiegman, trainerja e ekipit të femrave të Anglisë ka shpalosur potencialin, tek kjo kombëtare ku presioni është shumë i madh.
Krerët e Federatës do të kenë një punë të vështirë duke qenë se zhgënjimet janë të njëpasnjëshëm por gjithsesi Anglia mbetet një rival që meriton respekt maksimal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
