Sokol Cikalleshi do të vazhdojë të jetë pjesë e Konyaspor në Turqi. Sulmuesi i Kombëtares, ka rinovuar kontratën ditën e sotme deri në vitin 2024.
Forma e mirë e treguar nga lojtari, ka bindur drejtuesit për të zgjatur bashkëpunimin. Pas firmës në kontratë, Cikalleshi u shfaq i lumtur.
“Jam shumë i kënaqur që jam pjesë e një familjeje të madhe si Konyaspor. Dua të falënderoj presidentin, lojtarët dhe trajnerin tonë që kontribuuan në realizimin e kësaj firme në kontratë. Premtoj se do të luftoj në fushë deri në pikën e fundit timen këtu. Kemi arritur një sukses të mirë këtë sezon.
Kjo nuk është një rastësi. Ne jemi këtu me një frymë ekipi. E rëndësishme është të qëndrojmë këtu tani e tutje. Kemi punuar shumë dhe do të vazhdojmë të punojmë. Jam i sigurt se do ta përfundojmë sezonin në një vend shumë të mirë. Nesër kemi një ndeshje të rëndësishme me Giresunspor. Shpresoj të largohemi me një rezultat të mirë”, u shpreh Cikalleshi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
