Emiliano Buendia në radarët e Liverpoolit

 Liverpooli është duke bërë hapa të suksesshëm në lidhje të ardhmen .  Jurgen Klopp po mendon strategjitë e duhura që do ti aplikojë sezonin  vijues për ti rikthyer  djemtë e tij në kohët e arta .  Por për  triumfin në Premier League dhe Champions League pavarësisht taktikave të duhura në varësi të kundërshtarëve duhet të bëhet  një merkato perfekte . 

Kjo ide e përgjithshme që me padiskutim do të dominojë gjithmonë në botën e futbollit nuk ka vonuar shumë dhe është vënë në praktikë nga ‘’ The Redsat ‘’ të cilët e kanë fokusuar objektivin e rradhës . Evolucioni i Emiliano Buendias tek  Norwich City-t vazhdon të analizohet me detaje  nga drejtuesit e tyre të cilët dhe po përgatisin   ofertën në drejtim  të ‘’ The Canaries ‘’ .  Argjentinasi mbetet një pikë referuese në skemat e  gjermanit Daniel Farke dhe  për momentin  sipas Anfield Central Liverpooli mbetet favoriti kryesor për ta transferuar në  ‘’ Anfield Road ‘’. 

I rritur në ekipet inferiore të Getafes lojtari i lindur në Mar Del Plata  arriti të shpërthejë  tek ‘’ Los Azulones ‘’,  eksperiencë që i krijoi mundësinë për tu bërë pjesë e një ndër kampionateve më të famshëm të  kontinentit të vjetër siç është Premier League  duke e gjetur veten shumë shpejt .  Interesi i Liverpoolit me siguri do t’ia ndryshojë perspektivën e të ardhmes Emiliano Buendias  sepse do të bëhej pjesë e një ekipi yjesh  dhe do ti shërbente për ndërtimin e rrugës së duhur  drejt fitimit të titujve.  

Operacioni në fjalë parashikohet se do të kapë shifrën e 40 milionë eurove  por janë koshientë se nuk do të jetë shumë i lehtë për tu realizuar sepse kontrata e të ashtuquajturit ndryshe ‘’ Emi ‘’ me anglezët merr fund në 30 qershorin e 2024-tës . Megjithatë nëse e rikthejmë vëmendjen tek progresi i bërë me Norwich City-n e vetmja fjali që të vjen ndërmend është se konkretizimi i një hapi të tillë do të ishte plotësisht i merituar për talentin argjentinas . Momenti i mrekullueshëm që po përjeton në karrierë është shoqëruar me 33 takime , 12 gola dhe 15 asiste  gjatë këtij sezoni  , statistika tepër entuziasmuese të cilat me siguri nuk do të anashkalohen lehtë nga drejtuesit e Liverpoolit .