Spanja mendon për Marcelino Garcia Toral

Muajt e mbetur parashikohet se do të finalizojnë etapën e Marcelino Garcia Toral në stolin e Athletic Bilbaos.

Spanjolli me vaskët e mbaron kontratën  në 30 qershor dhe deri në këtë moment, këta të fundit nuk kanë shfaqur asnjë interes për qëndrimin e  56 vjeçarit në  ‘’ San Mames ‘’.

Së fundmi emri i Marcelino Garcia Toral u lidh ngushtë me drejtimin e Atletico Madridit por kjo pistë po fillon të harrohet sepse protagoniste e kësaj historie është bërë Spanja .

‘’ La Furia Roja “ vijon skeptike në lidhje me të ardhmen e Luis Enriques dhe nuk e shikon atë më gjatë se Botërori i Katarit , ku ish kampionia e botës dhe Europës do të jetë sigurisht një ndër pretendentet për ta fituar.

Gjithsesi pavarësisht se në vijimësi Athletic Bilbao do të ketë një president të ri , kjo çështje nuk do të ndikojë aspak në vendimarrjen e  ishi-t të  Levantes i cili dëshiron të provojë veten në nivel kombëtaresh dhe të mund të kontribojë për shtetin e tij , objektiv i shumë  trainerëve të mirënjohur por duhet marrë parasysh paraprakisht se Spanja gjithmonë lufton për trofe të rëndësishëm , fakt që e tregoi edhe në të kaluarën me një brez të artë lojtarësh si përshembull Xavi , Iniesta , etj të cilët dominuan çdo kundërshtar duke aplikuar tiki – takan e famshme që i shëndërroi në një rival të papërballueshëm.

 Etapa tek Athletic Bilbao përmblidhet në 69 sfida , 26 fitore, 24 barazime dhe  19 humbje dhe është përpara një shansi që s’duhet humbur i cili njëkohësisht  ëndërrohet nga çdo trainer.