Interi dhe Tottenhami, duel për Jonathan David

Ylli i Lilles Jonathan David momentalisht vijon të jetë një ndër sulmuesit më të frikshëm të Europës.

Kanadaezi prej disa vitesh po tregon cilësitë në rradhët e francezëve, për të cilin Interi dhe Tottenham Hotspuri do të përballen gjatë merkatos së verës.

Me 8 gola dhe 2 asiste në 13 sfidat e deritanishme, 24 vjeçari e ka ndihmuar Lillen për të avancuar në Ligue 1 dhe Champions League, kompeticion ku së fundmi ky ekip mposhti Real Madridin.

Drejtuesit e ‘’ Gjelave të Londrës ‘’ e konsiderojnë të duhurin për metrat e fundit pasi ende nuk e kanë gjetur një zëvëndësues të denjë për Harry Kanen.

‘’ Spursat ‘’ po tentojnë me çdo mënyrë për të siguruar blerjen e një golashënuesi me qëllimin e arritjes së objektivave, në Angli dhe Europë.

Ndërkohë që edhe zikaltërit pretendojnë të formojnë një treshe të frikshme me ishi-n e Gentit, Lautaro Martinezin dhe Marcus Thuram, elementë shumë të rëndësishëm në skemat e Simone Inzaghit.

Gjithashtu sulmuesi në fjalë është ndër më të vlerësuarit për momentin në kontinentin e vjetër, për të cilin edhe Bayern Muncheni shfaqi interes në të kaluarën.

Eshtë sezoni i pestë në rradhët e ish kampionëve të Ligue 1, i cili duhet të analizojë me kujdes interesin e dy ekipeve shumë cilësorë, sidomos në ligat respektive.