Vladimir Petkovic u largua nga drejtimi i Zvicrës pas përfundimit të Europianit dhe nga ajo kohë drejtuesit e federatës ishin në kërkim të një trajneri të ri.
Emrat e përfolur për të marrë drejtimin e kombëtares helvete ishin të shumta, teksa u përfol edhe për trajnerin e Kosovës, Bernard Challandes, si pasues i Petkovic.
Megjithatë tashmë në Zvicër e kanë vendosur dhe trajneri i ri i kombëtares do të jetë Murat Yakin. Ky i fundit drejton skuadrën zvicerane të Schaffhausen, por shumë shpejt pritet të emërohet në stolin e Zvicrës.
Mediat zvicerane raportojnë se marrëveshja mes palëve është arritur dhe tashmë ka mbetur vetëm zyrtarizimi, që 46-vjeçari të marrë drejtimin e kombëtares.
Në karrierën e tij si futbollist, Yakin, i cili është me origjinë turke, ka luajtur edhe për Zvicrën në 49 ndeshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
