Marco Van Basten nuk është i vetmi që mendon se titulli i 1990 në Seria A, Milanit iu vodh nga Napoli. Në këtë përfundim ka dalë edhe ish-trajneri i 'djallit' në atë kohë Arrigo Saki, i cili nuk e qartëson saktësisht se çfarë ndodhi, por lë të kuptohet se ishte diçka me prapavijë politike.
“Humbja që ka djegur më shumë? Titulli i vitit 1990. Mbeta shumë i zhgënjyer nga drejtësia pasi na morën një kampionat me një mashtrim. Të gjithë e kishin parë se Alemao kishte mbetur në tokë në Bergamo edhe pse monedha nuk e kishte vrarë aq shumë.
Luanim më mirë se Napoli, do të kishte qenë e drejtë nëse do të kishim fituar ne. Atëherë kishte gjëra aq pak të qarta të cilat i kuptova më vonë, por më mirë po e qep gojën se përndryshe më fusin në burg. Le të themi se asokohe politika ishte në dijeni të çështjes,”- tha Saki, duke lënë të kuptohet se vendimi për fitoren e Napolit kishte qenë një çështje politike asokohe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
