Flamurtari nuk shkoi më shumë se barazimi pa gola ndaj Kastriotit.
Pas ndeshjes, për MCN TV, foli trajneri i vlonjatëve, Emiljano Çela, i cili tha se skuadra e tij është ekipi për tu mundur dhe tensioni është i lartë.
Nuk jam i kënaqur për të dyja pjesët e lojës, Në të parën bëmë më mirë. Kishim 2-3 raste të pastra që duhet t’i kishim shënuar që të kishim më shumë lirshmëri. Pjesa e dytë dihet pastaj, tensioni është i lartë. Ne jemi ekipi për tu mundur. Rivalët ndaj nesh japin maksimumin. Përgëzoj Kastriotin për lojën e treguar.
Presioni i pengon lojtarët. Duan kohën e vetë për të fituar intuitën dhe të lidhen me njëri-tjetrin. Unë jam i kënaqur qoftë nga puna e lojtarëve, apo edhe nga klubi e merkato. Çdo gjë është në mënyrë perfektë dhe është në dorën tonë.
Unë kam qenë dy sezone në Superligë si trajner dhe tani këtë e shikoj si progres. Kishte ndryshim të madh dhe ne po punojmë. Duhet të jemi ekipi që të komandojmë lojën. Ekipi sot mu duk më mirë, nuk kapej në befasi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
