Parma ka shënuar një risi në merkato me rikthimin e Gianluigi Buffon në ‘’ Ennio Tardini ‘’ . Pavarësisht se do ti duhet të tregojnë forcat një kategori më poshtë sezonin e ardhshëm , legjenda italiane i ka impulsuar drejtuesit për kërkimin e lojtarëve të tjerë cilësorë me objektivin e ringjitjes sa më të shpejtë në Serinë A . Fokusi është hedhur tek Franco Vazquez , mesfushor i cili ka lënë shumë gjurmë tek Sevilla , me 197 ndeshje të luajtura , 26 gola dhe 19 asiste që e kanë shëndërruar në një referent tek andaluzët .
Tratativat për ti ndërruar destinacionin e kanë patur fillimin shumë kohë më parë me interesin e Milanit , Atalantës , River Plate , Lazio , Fiorentina , Sampdoria të cilave Parma kërkon ti prishë punë .
Sipas Mundodeportivos , kjo pistë konceptohet si shumë interesante sepse do ti mundësonte Franco Vazquezit aktivizimin në një kampionat krejtësisht ndryshe dhe dukshëm inferior me Primera Division por dëshira e madhe e drejtuesve të Parmës për ta harruar shumë shpejt këtë etapë të vështirë ia shton këmbnguljen për transferimin e ishi-t të Palermos në Itali.
Eksperienca e mëparshme në Scudetto krijon një avantazh të lehtë për të ardhmen e Franco Vazquez sepse s’do të kishte asnjë problem me adaptimin e menjëhershëm tek një skuadër që e ka humbur prej vitesh shkëlqimin e mëparshëm duke shënuar rënie drastike , fakt që e ka dërguar deri në këtë pikë .
Mesfushori nga Kordoba e ka mbyllur sezonin me 21 ndeshje dhe 1 gol në një skuadër ku rivaliteti është shumë i madh por profesionalizmi i treguar prej tij ia lë të hapur derën për të qenë në radarët e skuadrave me emër në Europë dhe jo vetëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
