Duke qenë se merkatoja e janarit është shumë afër , tek Paris St Germain ka filluar puna për përmirësimin e pozicioneve që nuk e kanë bindur Luis Enriquen.
Spanjolli i ka arritur objektivat deri më tani, pasi skuadra e tij është kualifikuar për më tej në Champions League dhe vijon të dominojë në Ligue 1.
Arritja e marrëveshjes me Lucas Beraldon dhe Gabriel Moscardon do të pasohet me largimet nga ‘’ Parque de Prince ‘’ dhe dy ndër të padëshiruarit e teknikut nga Asturias janë Hugo Ekitike dhe Laywin Kurzawa.
Blerjet e talentëve brazilianë, respektivisht nga Sao Paolo dhe Corinthians i kushtuan xhepave të Nasser Al Khelaifit 40 milionë euro dhe duke qenë se mbrojtësi dhe sulmuesi nuk kanë patur hapësira në 11-shen e ishi-t të Barcelonës, vendimi i duhur është largimi nga Parisi.
Sipas ‘ Le Parizien ‘ për Hugo Ekitiken tashmë disa pretendentë kanë trokitur në derën e fituesve në fuqi të kampionatit francez , të cilit sigurisht shpresohet ti bashkohet edhe Laywin Kurzawa .
Si në çdo sezon tjetër, objektivi madhor i presidentit nga Katari është fitimi i Champions Leagues dhe në rastin konkret, i ashtuquajturi ‘’ Lucho ‘’ e njeh mjaft mirë rrugën drejt arritjes së këtij objektivi për arsye se triumfoi në të kaluarën me Barcelonën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
