Gjatë kësaj merkatoje verore Barcelona vijon të jetë një ndër protagonistet.
Joan Laporta ka premtuar se do të bëjë maksimumin për ekipin e zemrës, i cili i ka dhënë mbështetjen e padiskutueshme trainerit Hansi Flick.
Gjermani ka bërë një punë për tu duartrokitur në stolin e ‘’ Blaugranëve ‘’ por siç duhet presioni sa vjen edhe shtohet.
Një ndër objektivat e ishi-t të Bayern Munchenit është përforcimi i metrave të fundit dhe për këtë pozicion vijon të preferohet Julian Alvarez.
Numri një i presidencës ka premtuar se do ta transferojë bomberin argjentinas gjatë verës së ardhshme, i cili është grumbulluar rregullisht edhe nga Lionel Scaloni tek kombëtarja ‘’ Albiceleste ‘’.
Ndërkohë, edhe përgjigjja e presidentit të Atletico Madridit Enrique Cerezo ka qenë e menjëhershme, i cili ka përcaktuar 100 milionë euro për Julian Alvarez, një shifër sigurisht problematike për kuq e blutë.
Mënyra se si luan sigurisht evidenton se golashënuesi nga Calchin i Kordobas është i duhuri për Barcelonën, i cili ka bërë hapa të suksesshëm në karrierë dhe momentalisht është një ndër më cilësorët në Europë.
Pritet një lloj rezistence nga kryeqytetasit sepse Diego Simeone e shikon pjesë edhe në të ardhmen por sigurisht të qënit pjesë e një ekipi si Barcelona është një tundim për çdo lojtar.
Ishi i Manchester City-t arriti statistika shumë të mira në sezonin e shkuar, konkretisht 29 gola dhe 9 asiste në 57 sfida, një rrezik serioz për çdo rival.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
