Trajneri Ardi Behari, analizoi barazimin në sfidën mes Vllaznisë dhe Partizanit në kampionat.
Në emisionin “Skaner” në MCN TV, Behari deklaroi se rezultati i fushës ishte i drejtë dhe shtoi se ishte një ndeshje e bukur.
Ishte një ndeshje e fortë, mes dy rivalëve. Në ndeshje të forta, nuk shikon raste. Prandaj ndeshja ishte e bukur, sepse janë dy skuadra rivale. Në një ndeshje me dy skuadra të vendosura mirë në fushë, detajet e bëjnë diferencën.
Partizani merr meritë, sepse është në mes të Shkodrës, ka avantazhin e fitores më parë dhe mund të ndërtonte ndeshjen duke e pritur Vllazninë. Megjithatë zgjodhën të luajnë si në ADN, duke kërkuar fitoren. Rezultati i fushës është i drejtë. Futboll pamë, dyluftime pamë dhe gjithçka tjetër.
Skuka është zgjedhje e parë, nuk e vendos njeri në dyshim. Është vlerë e shtuar për Partizanin dhe kampionatin shqiptar. Sulmuesit e tjerë u morën për të zëvendësuar Skukën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
