Trajneri Nevil Dede, thekson se gabimi i Partizanit është te mbrojtja, e cila sipas tij nuk jep siguri. Ne emisionin “Skaner” në MCN TV, Dede tha se të kuqve i mungon një sulmues pykë, duke thënë se Stenio Junior nuk e bën si duhet atë rol .
“E kemi thënë që Partizanit i mungon një sulmues pykë. Junior është i mirë, por futet nga krahu më shumë. Te krosimet e shumta, shfaqet vetëm Cara, ndërsa Junior ka shënuar vetëm me penallti. Kështi si po i shkon loja Partizanit, vetëm Cara, Mala apo Kaçe mund të bëjnë më shumë.
Nuk më vjen mirë për një trajner me eksperiencë, që i gabojnë shumë mbrojtësit e qendrës. Ka diçka që nuk shkon. Të themi në çdo ndeshje për gabime individuale, nuk shkon më. Ta mbyllin të paktën njëherë pa pësuar gola. Kur mbrojtja nuk jep qetësi dhe siguri, as sulmi nuk ecën, ose e anasjelltas. Partizanin e mbajti në lojë pritja e Teqjas.”, u shpreh Dede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
