Futbollistja e Zelandës së Re, Meikayla Moore, është futur në histori të futbollit për keq. Ajo ka shkaktuar 3 autogola në portën e skuadrës së saj, brenda 35 minutave të para, në ndeshjen që luanin ndaj SHBA.
Moore, që është edhe pjesë e Liverpool, ishte e pafat, duke e dërguar topin 3 herë në portën e saj.
Autogoli i parë erdhi në minutën e pestë, ku pas një krosimi ajo e dërgon topin në rrjetë në portën e saj. Një minutë më vonë Moore kishte të njëjtin fat, me një top këtë herë që e goditi në kokë dhe e gjeti rrugën drejt portës së saj.
E treta erdhi gjysmë ore më vonë, teksa ajo përsëri gaboi një tentativë për të larguar një kros të ardhur nga e djathta
Pesë minuta më vonë, 25-vjeçarja u zëvendësua para pushimit të pjesës së parë për t’i dhënë fund pasdites së saj të mjerueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
