Java e 24-t në Kategorinë e Parë, rezervoi surpriza të shumta, sa i përket rezultateve.
Bylis pësoi një disfatë të rëndë, teksa u mposht me rezultatin 3-1 nga Luzi. Kjo humbje i zbret ballshiotët në vendin e dytë me 55 pikë, 1 më pak se Elbasani që merr komandën. Verdheblutë shkatërruan me shifrat e thella 0-5 Besën e Kavajës.
E papritur ishte edhe fitorja e Burrelit ndaj Vorës, me matjanët që triumfuan 2-1. Me të njëjtin rezultat fitoi edhe Korabi ndaj Tomorit në shtëpi. Flamurtari u rikthye te suksesi në kampionat, teksa mposhti 0-2 Kastriotin.
Nuk prodhoi fitues derbi mes Lushnjës dhe Apolonisë, që u mbyll në barazim 1-1.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
