Këmbngulja e Barcelonës në lidhje me realizimin e objektivave vazhdon të jetë e pandalur . Ndër lojtarët që tashmë nuk përfshihen në planet e Ronald Koeman është edhe Philippe Coutinho për të cilin kërkohet largimi nga ‘’ Camp Nou ‘’ .
Problematikat e theksuara të katalanasve në lidhje me aspektin ekonomik i kanë detyruar që të kërkojnë një destinacion të përshtatshëm për brazilianin të cilit mesa duket i ka buzëqeshur fati .
Sipas ‘’ La Gazzetta Dello Sport ‘’ Lazio ka filluar tratativat për huazimin e 29 vjeçarit në ‘’ Olimpico ‘’ por ky operacion nuk do të rezultojë i lehtë për bardhekaltërit për arsye se ekstremi nga Rio De Janeiro preferon të aktivizohet me një skuadër që do të luajë në Champions League sezonin e ardhshëm dhe kryeqytetasit nuk mund t’ia plotësojnë dëshirën ishi-t të Liverpoolit .
Në këtë çështje ‘’ Los Cules ‘’ kanë menduar t’ia lehtësojnë paksa punën Lazios duke pranuar një pjesë të pagës së yllit të ‘’ Seleçaos ‘’ prej 9 milionë eurosh në sezon sepse në të kundërt italianët nuk do të mundnin ta përballonin qëndrimin e tij .
Një pjesë e rëndësishme e kësaj historie lidhet edhe me një klauzolë të dakordësuar ndërmjet Liverpoolit dhe Barcelonës që ka të bëjë me faktin se nëse Coutinho aktivizohet edhe 10 ndeshje të tjera me ‘’ Blaugranët ‘’ spanjollët do të detyroheshin ti paguanin edhe 20 milionë euro Liverpoolit , shifër të cilën kërkojnë me çdo kusht ta evitojnë .
14 ndeshjet e zhvilluara gjatë këtij sezoni kanë lënë për të kuptuar se Philippe Coutinhos i nevojitet transferimi në një tjetër ekip dhe Lazio mbetet një opsion shumë interesant . E kaluara e tij tek Interi parashikohet se mund ti shërbejë për tu adaptuar në Serinë A pa harruar as Europa Leaguen , kompeticion që konsiderohet i dyti për nga rëndësia në kontinentin e vjetër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
