Në Kampionatin Botëror të peshëngritjes që po mbahet në Anhajm të Shteteve të Bashkuara, Briken Calja nuk ka mundur dot të hyjë në zonën e medaljeve, pasi arriti të marrë vendin e katërt.
Peshëngritësi shqiptar e nisi mirë garën, pasi realizoi me sukses provat e para në secilin stil, shtytje dhe shkëputje, por dështoi në dy të tjera respektive.
Shtangisti e mbylli konkurrimin në vendin e 4-t në shkëputje, me 142 kg të ngritura dhe në vendin e 5-të në shtytje, me 175 kg. Calja garoi në baterinë A dhe në dygarësh u rendit i 4-ti, me 317 kg, vetëm një kilogramë më pak se garuezi i vendit të tretë që në peshë trupore ishte 90 gramë më shumë se peshëngritësi shqiptar.
Calja mbeti jashtë zonës së medaljeve për vetëm 1 kg, por sidoqoftë, ky rezultat mund të quhet i suksesshëm për shtangistin shqiptar.
Më herët, për Shqipërinë garoi edhe Evangjeli Veli, e cila u rendit e 8-a në botë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
