Këtë të mërkurë, u mbajt në Paris, mbledhja e radhës e Komitetit Ekzekutiv të UEFA-s, ku u diskutua për futbollin europian.
Pjesë e mbledhjes, ishte edhe Armand Duka, në rolin e Zv. Presidentit të UEFA-s, njkohësisht edhe anëtar i KE.
Në këtë mbledhje u morën disa vendime të rëndësishme që kanë të bëjnë m strategjinë e UEFA-s 2024-2030 “Të Bashkuar për Sukses”.
Strategjia ofron një drejtim dhe udhërrëfyes të qartë për të udhëhequr si UEFA-n ashtu edhe komunitetin më të gjerë evropian të futbollit dhe synon të fuqizojë rolin e futbollit në çdo komunitet në të gjithë Evropën, duke ruajtur lidhjen integrale midis futbollit bazë dhe garave elitare. Ai bazohet në 7 vlera kryesore: Respekti, Barazia, Drejtësia, Hapja, Uniteti, Integriteti dhe Përsosmëria.
U miratua edhe sistemi i detajuar i shpërndarjes së të ardhurave në kompeticionet e UEFA-s për djem 2024-2027.
Gjithashtu KE-ja miratoi edhe datën dhe vendin se ku do të mbahet Kongresi i 49-të i zakonshëm i UEFA-s që do të zhvillojë punimet e radhës në Beograd më 3 prill 2025.
U vendos edhe data dhe vendi për mbledhjen e radhës të Komitetit Ekzekutiv të UEFA-s që do të mbahet në Dublin më 22 maj 2024.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
