Atalanta u rikthye te fitorja në kampionat, teksa mposhti me rezultatin 1-3 Spezian në transfertë, në ndeshjen e vlefshme për javën e 36-të në Serie A.
Në këtë fitore të bergamaskëve, gjeti rrugën e rrjetës edhe mbrojtësi shqiptar, Berat Gjimshiti. Ky i fundit, në minutën e 73, përfitoi nga një asist i Demiral për të dërguar topin në rrjetë, për golin e 1-2.
Sfida tjetër, Venezia-Bologna, ishte me të vërtetë e çmendur, teksa u shënuan plot 7 gola. Venezia thuajse e rënë në Serie B, e mbylli pjesën e parë në avantazh 2-1, por në të dytën miqtë u shfaqën më kërkues, dhe ia dolën ta kthejnë rezultatin në favorin e tyre 2-3, para se Aramu të barazonte shifrat në 3-3 në minutën e 78.
Kur mendohej se ndeshja do të mbyllej në barazim, erdhi edhe goli i fitores për vendasit. Në minutën e 94, Johnesen, shënoi golin e shtatë në ndeshje, duke i dhënë fitoren Venezias që mbetet në vendin e fundit me 25 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
