Kosova do të luajë ndaj Gjeorgjisë nga ora 18:00, në ndeshjen e vlefshme për kualifikueset e Botërorit “Katar 2022”.
“Dardanët” e kanë nisur shumë keq, teksa në grupin B, pas dy ndeshjeve numërojnë 2 humbje. Për këtë arsye, të besuarit e Bernard Challandes do të kërkojnë të rikthehen te fitorja ditën e sotme.
Pak minuta para fillimit të ndeshjes janë publikuar edhe formacionet zyrtare, me Kosovën që zbret në fushë me më të mirët.
Në portë rikthehet titullar Aro Muric, ndërsa mbrojtja do të përbëhet nga Hadergjonaj, Aliti, Rrahmani dhe Vojvoda.
Para mbrojtjes qëndrojnë Valon Berisha dhe Dresevic. Në majën e sulmit është vendosur Vedat Muriqi, i cili do të ndihmohet nga Rashani në të majtë dhe Kastrati në të djathtë, ndërsa pas sulmuesit kryesor qëndron Halimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
