Interi, sulm për Diakhaby

Rënia e dukshme e rendimentit të Moutcar Diakhaby-s, ka filluar të shkaktojë dyshime të njëpasnjëshme për qëndrimin në ‘’ Mestalla ‘’.

Prapa derës është Interi , skuadër që beson në aftësitë e mbrojtësit.

Valencia e ka në dorë zgjidhjen e kësaj çështje , gjithmonë duke patur parasysh se kontrata e 25 vjeçarit përfundon në 30 qershorin e 2023-shit .

Zërat e fundit na orientojnë drejt Serisë A , pavarësisht se me mbërritjen e Gennaro Gatussos , situata e Moutcar Diakhaby-s tek spanjollët ka ndryshuar. 

Sipas ‘ Calciomercatos ‘ , ish kampionët e Scudettos konsiderohen favoritë për të firmosur me ishi-n e Lyonit, për të cilin Valencia investoi 15 milionë euro në merkaton e 2018-tës dhe që asokohe e deri më tani francezi numëron  141 sfida , 6 gola dhe 5 asiste.

Një transferim i mundshëm në ‘’ Giusseppe Meazza ‘’ mund t’ia ndryshojë të ardhmen dhe njëkohësisht do të kishte privilegjin të provonte ndjesitë e të përfaqësuarit një ekip të famshëm por s’duhet përjashtuar hyrja në garë e të tjerë kandidatëve , të cilët natyrisht do ta bënin edhe më të ashpër.