Trajneri i Interit, Simone Inzaghi ka folur para mediave, në prag të sfidës që skuadra e tij do të luajë ditën e nesërme ndaj Shakhtar Donetsk. Inzaghi ka vlerësuar kundërshtarin, por ka shtuar se tashmë Interi e ka gjithçka në dorë vetë.
“Të dielën mundëm Napolin, me mbrojtjen më të mirë në Europë, dëshmi e madhe pjekurie dhe karakteri. Nesër e dimë që gjithçka është në dorën tonë pas dy fitoreve me Sheriffin.
Kemi përballë një kundërshtar që luan mirë, me një trajner të shkëlqyer. Në ndeshjen e parë na vunë në vështirësi, të dyja ekipet mund ta fitonim ndeshjen. Jam me fat që kam lojtarë ofensivë që prej disa kohësh luajnë në nivele të larta. Kemi takuar lloj-lloj kundërshtarësh dhe në çdo rast kemi bërë mirë. Ne e njohim Shakhtarin, e njohim edhe më mirë De Zerbin, i cili në një kohë e shkurtër kaloi në skuadër konceptin e futbollit të tij.
Kanë kaluar katër muaj, ne kemi bërë një rrugë të shkëlqyer dhe besoj se fitorja ndaj Napolit mund të na japë një stimul të rëndësishëm. Më mungojnë De Vrij dhe Sanchez të cilët shpresoj të rikuperohen shpejt, për pjesën tjetër kam shenja të shkëlqyera”, u shpreh Inzaghi.
Interi renditet në vendin e dytë me 7 pikë të grumbulluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
