Trajneri i atletikës, Taulant Stërmasi, në një lidhje skype në emisionin “SportZone” në MCN TV, deklaroi se duhet të shtohen fondet për federatat.
Gjithashtu, Stërmasi, që është edhe trajneri i atletes Luiza Gega, u shpreh se duhet ndryshuar mentaliteti i stërvitjeve, para një eventi siç janë Lojërat Olimpike.
Sipas tij, duhen 15 sportistë kandidatë dhe nga këta të përzgjidhen 8 ose 10 për të marrë pjesë në Lojërat Olimpike.
Për Lojërat Olimpike, është diskutim i gjatë. Unë dhe Luiza Gega, jemi gjithmonë të grumbulluar, sepse është më e rëndësishmja për ne. Ishte shumë e rëndësishme manifestimi i shtetit për të suportuar sportistët, por nuk mund të themi se këtu mbaroi çdo gjë që duhet të bëjnë për sportin. Është shumë e rëndësishme që të kalojmë në fazën e dytë, që është shtimi i fondeve të buxheti i federatave.
Duhet të fillojmë të ndryshojmë mentalitetin për stërvitjen., Duhet të jemi gati të gjithë, e gjithë struktura shtetërore. Duhen gjeneruar të ardhura. Nuk mund të marrësh bursën dhe të qëndrosh në shtëpi, nuk funksionon kështu.
Që në momentin që buxheti i federatës është më i vogël se më përpara, do të thotë se kemi më pak fonde se vjet. Shpresojmë që buxheti i federatave, të jetë më i lartë, që të çojmë projekte në federatë, për të mbështetur sportistët.
Duhen 15 sportistë kandidatë dhe 8 apo 10 të jenë në Lojërat Olimpike. Duhet të fillojmë stërvitjen, sepse kualifikimet po fillojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
