Humbja e fundit në derbi ndaj Partizanit, ka sjellë ndryshime në stafin teknik te Tiranës.
Klubi ka shkarkuar trajnerin Julian Ahmataj, i cili shihet si fajtori për situatën te bardheblutë.
Ndërkohë kryeqytetasit nuk kanë humbur kohë dhe kanë prezantuar trajnerin e ri.
Drejtimi i Tiranës, i është besuar Erbim Fagut.
NJOFTIMI:
Klubi i Futbollit Tirana njofton zyrtarizimin e trajnerit Erbim Fagu.
Klubi i Futbollit Tirana njofton rikthimin e teknikut Erbim Fagu në statusin e trajnerit të ekipit të parë.
Pas një eksperience si lojtar i spikatur dhe trajner i moshave si brenda edhe jashtë vendit, Fagu rikthehet në shtëpinë bardheblu tashmë si pjesë kryesore e pankinës së Tiranës.
Fagu është tekniku i cili ka dhënë kontribut të madh gjatë gjithë rrugëtimit në sezonin 2021-2022 pranë bardhebluve, duke e ndihmuar ekipin e parë në rrugën drejt titullit kampion.
Klubi i Tiranës i uron mirëseardhje trajnerit Erbim Fagu! Në zemër gjithmonë bardh e blu!”, ka shkruar klubi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
