Tirana zbulon stadiumin ku do të luhet derbi ndaj Dinamos në Kupë

Nëpërmjet një postimi në faqen e klubit, Tirana bën të ditur se ndeshja me Dinamon në Kupë do të zhvillohet në stadiumin “Air Albania”. 

Bardheblutë gjithashtu bëjnë të ditur se kjo sfidë është planifikuar të luhet ditën e enjte, duke filluar nga ora 19:45. 

Në këtë postim gjithashtu Tirana ka njoftuar të gjithë tifozët që dëshirojnë të ndjekin në stadium këtë ndeshje se biletat mund t’i blejnë në stadiumin “Selman Stërmasi”.

Kujtojmë se ndeshja e parë u mbyll me fitoren e Dinamos me shifrat 2-1, ndërsa tani skuadra e Shehit do të kërkojë përmbysjen.