Presidenti i Barcelonës, Joan Laporta është rikthyer të flasë për largimin e Leo Messit në verë. Në fjalët e tij, numri 1 i katalanasve, u shpreh se shpresonte që argjentinasi do i thoshte atij që do luante falas për të qëndruar.
“Shpresoja që në minutën e fundit Messi të thoshte se do të luante falas. Do të më pëlqente dhe ai do të më bindte, Liga do ta kishte pranuar, por ne nuk mund t’i kërkonim një gjë të tillë një lojtari të nivelit të tij.
Unë nuk zemërohem me Messin, por ka zhgënjim në të dyja anët. E di që ai me të vërtetë donte të qëndronte, por të gjithë e dinin që ai kishte një ofertë shumë të rëndësishme nga PSG. Mendova se ai mund të luante falas sepse e njoh, ai erdhi me mua në ekipin e pare dhe unë e ndihmova shumë familjen e tij.
Ne kishim rezultatet e para të kontrollit financiar dhe ky investim mund të na rrezikonte. Barcelona është mbi çdo lojtar”, u shpreh Laporta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
