Tentativa jo e suksesshme e Barcelonës për ta transferuar Alvaro Moratan në ‘’ Camp Nou ‘’ gjatë merkatos së përfunduar ia ka shtuar dëshirën për ta arritur akordin me spanjollin gjatë verës .
Mirëpo skenari është i qartë sepse fillimisht duhet të rikthehet në ‘’ Wanda Metropolitano ‘’ por problematika në këtë histori është se Diego Simeone nuk e llogarit për të ardhmen dhe e vë dukshëm në siklet 29 vjeçarin i cili ka shprehur dëshirën që ti bashkohet skuadrës së Xavi Hernandez .
Megjithatë prioriteti i kuq e bluve mbetet Erling Haaland për të formuar një sulm të frikshëm pavarësisht se transferimi i Pierre Erick Aubameyang tek ‘’ Los Cules ‘’ deri në 2023- shin sigurisht është një motiv më shumë për të buzëqeshur sepse kudo ku ka vënë këmbët ka rezultuar një sulmues tepër efikas .
S’duhet anashkaluar se ishi i Real Madridit ka tërhequr edhe skuadra të Premier Leagues por me deklaratën e dhënë sigurisht ka gjeneruar një optimizëm shumë të madh tek Barcelona , skuadër që kërkon ti shtojë ofensivës emra që mund të bëjnë diferencën në çdo moment.
Prej kohësh pritej reagimi i Joan Laportas i cili pavarësisht problematikave në aspektin ekonomik ka dhënë maksimumin për Barcelonën e tij nga e cila pret shumë në fazën më vendimtare të sezonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
