Ish-futbollisti Ermal Tahiri, në emisionin “Skaner” në MCN TV, foli për humbjen e Tiranës ndaj Kukësit me rezultatin 0-2.
Tahiri deklaroi se nuk i falet një ekipi si bardheblutë që të pësojnë gola të tillë, nga goditjet standarde.
Nuk fiton vetëm ekipi që mban topin, por ai që shënon në rastet që ka. Nuk mjafton të mbash topin, nëse nuk shkon në portë për të krijuar raste. Mbrojtja e Kukësit, bëri që Tirana të mos kishte rrugë për të shënuar. Nuk i falet Tiranës të pësojë gola të tillë si ai i pari.
Dy gabime fatale nga mbrojtësit. Pse nuk krijoi raste Tirana?! U përqendruan vetëm te Hasani. Ky ishte defekti që pashë unë sot. Nuk kishim asnjë rast të pastër për bardheblutë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
