Protagonizmi i fituar me Fiorentinën i ka dhënë shumë shpejt impaktet për Dusan Vlahovic . Serbi është shëndërruar në një ndër lojtarët më të spikatur të ‘’ Vjollcëve ‘’ dhe lufta për të është ashpërsuar me kalimin e kohës .
Pas Atletico Madridit është zgjeruar interesi për 21 vjeçarin sepse sipas Calciomercatos Juventusi , Borussia Dortmundi dhe Tottenhami do të tentojnë ta transferojnë talentin ballkanas .
Premisat janë për të lënë ‘’ Artemio Franchin ‘’ gjatë merkatos se ardhshme verore sepse pretendentët e tij e kanë shtuar këmbnguljen falë statistikave mbresëlënëse të arritura nga nxënësi i Vincenzo Italianos i cili ka arritur 21 golat në 40 ndeshjet e sezonit të kaluar dhe aktualin e ka filluar me këmbë të mbarë me 5 të tillë në 3 javët e zhvilluara .
Megjithatë për shërbimet e Dusan Vlahovic nuk kanë ngelur pas as Real Madridi , Manchester City dhe Bayern Munchen sepse e vlerësojnë shumë progresin e bërë me një skuadër të dorës së dytë në Serinë A dhe ajo që spikat më tepër tek ky lojtar është kapaciteti i shënimit të golave në një kampionat ku konkurrenca është shumë e ashpër sidomos në mesin e tabelës .
Parashikimet për sulmuesin nga Beogradi janë të qarta dhe mund të thuhet me plot bindje se e pret një e ardhme e shkëlqyer duke iu referuar interesit të deritanishëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
