Paraqitjet e Raul de Tomas me Espanyolin ia kanë ndezur shumë shpejt motorrët Real Madridit , ekip që synon rikthimin e sulmuesit në ‘’ Santiago Bernabeu ‘’.
Duke ditur që Erling Haaland është një operacion shumë i vështirë , ‘’ Galaktikët ‘’ s’mund të humbasin kohë sepse 27 vjeçari ka fituar përsëri pikë për tu rikthyer aty ku filloi karrierën .
Carlo Ancelotti tashmë ia ka hapur derën e largimit Luka Jovicit dhe Mariano Diazit dhe shikon tek ylli i Espanyolit një garanci për ofensivën .
Me katalanasit Raul de Tomas është shëndërruar në një bomber dhe në tre sezone tek bardheblutë ka mundur të shënojë 43 gola në 85 takime , fakt që shkaktoi interesin e Arsenalit në merkaton e dimrit.
Duhet theksuar se kontrata e spanjollit me Espanyolin mbetet në fuqi deri në 2026-tën kundrejt një klauzole prej 70 milionë eurosh për prishjen e saj pavarësisht se ky operacion mund të finalizohet për 30-40 milionë euro.
Gjithsesi drejtuesit e ‘’ Los Blancos ‘’ janë treguar të vëmëndshëm edhe me Borja Mayoral i cili nën drejtimin e Quique Sanchez Flores i ka dhënë një tjetër ritëm ofensivës së Getafes dhe tashmë ka filluar fërkimi i duarve sepse 25 vjeçari është një lojtar cilësor dhe mund ti shërbejë rotacioneve të Carlo Ancelottit.
6 gola në 664 minuta lojë janë statistikat e deritanishme të Borja Mayoral dhe pretendimi i Real Madridit ia ngre më tepër vlerat dhe shumë shpejt e ardhmja e tij mund të ndryshojë .
Me titullin e La Ligas të siguruar , kryeqytetasve i ka mbetur edhe një sfidë deçizive, e vlefshme kjo për gjysëmfinalen e kthimit të Champions Leagues kundër Manchester City-t në shtëpi , ku nxënësit e Carlo Ancelottit do të tentojnë përmbysjen dhe të shijojnë edhe një herë emocionet e një finaleje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
