Me vetëm Jordi Alban në dispozicion për krahun e majtë të mbrojtjes , drejtuesit e Barcelonës kanë nisur ofensivën për gjetjen e një shoqëruesi për spanjollin.
Katalanasit kanë preferuar Celta Vigon , ekip në të cilin aktivizohet Javi Galan.
Fillimi i negociatave parashikohet në ditët e ardhshme pasi për ‘’ Los Cules ‘’ përforcimi i prapavijës gjithmonë është konsideruar prioritet absolut gjatë merkatove.
Operacioni në fjalë nuk i kalon 10 milionë eurot, për një lojtar titullar në skemat e argjentinasit Eduardo Coudet.
Për bardhekaltërit tentativa e Barcelonës konsiderohet një sukses pasi mund të mbushin arkat me largimin e Javi Galan nga ‘’ Balaidos ‘’.
27 vjeçarit i skadon kontrata në 30 qershorin e 2026-tës por gjithsesi duke qenë se flitet për Barcelonën , gjërat mund të ndryshojnë me kalimin e ditëve .
‘’ Azulgranët ‘’ po mendojnë përfshirjen e Braithwaite ose Abde për ta lehtësuar këtë objektiv dhe kështu të finalizojnë një ndër lëvizjet e fundit në merkato .
Sezoni parashikohet si gjithmonë i vështirë dhe me të papritura dhe Xavi Hernandez është i ndërgjegjshëm se duhet të bëjë maksimumin në kohën e mbetur pavarësisht se deri më tani Barcelona ka formuar një ekip shumë të fortë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
