Orët e fundit të merkatos së verës sigurisht vijojnë të përcillen me shumë emocione.
Presioni sa vjen edhe shtohet tek drejtuesit e klubeve, të cilët kanë dhënë maksimumin deri më tani.
Chelsea është një ndër protagonistët e kësaj periudhe, një ekip i cili ka patur rritje nën drejtimin e Enzo Marescas dhe vjen pas një sezoni të mrekullueshëm, të finalizuar me fitimin e Conference Leagues dhe Botërorit të Klubeve.
Italiani kërkon medoemos transferimin e Fermin Lopez në ‘’ Stamford Bridge ‘’, i cili nuk po gjen hapësirat e mjaftueshme tek Barcelona.
Sipas ‘ As ‘, pronari Todd Boehly ka ofruar një shifër të konsiderueshme për spanjollin, për të cilin gara do të jetë e ashpër sepse pretendohet nga Newcastle dhe Aston Villa.
Prezenca e Dani Olmos i ka krijuar jo pak probleme Fermin Lopezit, i cili ndoshta shumë shpejt do të bëjë gati valixhet për tu larguar nga ‘’ Camp Nou ‘’.
Por megjithatë, edhe nëse i referohemi ‘’ Bluve të Londrës ‘’ duhet thënë se rivaliteti është shumë i ashpër pasi kanë në përbërje lojtarë cilësorë si përshembull Pedro Neto, Estevao Willians apo Jamie Gittens.
Bosi i kryeqytetasve thuhet se ka përgatitur rreth 70 milionë euro për fantazistin nga Huelva, edhe pse objektivi i tij është qëndrimi tek ‘’ Bluagranët ‘’.
Falë kontributit tek ish kampionët e La Ligas dhe më gjerë Fermin Lopez është shëndërruar në një ndër protagonistët e kësaj periudhe, e rëndësishme për çdo ekip.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
