Carlo Ancelotti është zyrtarisht trajner i ri i Napolit. Pasi shkarkimit të Maurizio Sarri, Ancelotti ka nënshkruar një kontratë 2-vjeçare, me opsionin për një të tretë, nga e cila do të përfitojë 6.5 milionë euro për sezon.
"Futbolli i Napolit është i lumtur të komunikojë zyrtarisht se ka arritur marrëveshje me Carlo Ancelottin për t'u bërë trajner për tre sezonet e ardhshme, duke filluar nga 2018-19."
Në aeroportin e Fiumicinos në Romë, Ancelotti u ndal për mikrofonin e "Sky Sports Italia" ku tha:
"Tek Napoli për të filluar sezonin e ri."
Ish-trajneri i Juventusit, Parma, Milan, Chelsea, Paris Saint-Germain, Real Madrid dhe Bayern Munich ka mbajtur një takim treorësh në rezidencën e Romës të presidentit të Napolit Aurelio De Laurentiis mbrëmë, ku arriti dhe marrëveshjen.
Por me ardhjen e teknikut italian kanë filluar edhe lëvizjet e para.
Dy dëshirat e mëdha të Ancelottit janë Karim Benzema dhe Arturo Vidal.
Sulmuesi francez mund të largohet nga Reali i Madridit pas një kohe të gjatë, ndërsa edhe kiliani Vidal është në kërkim të një eksperience të re.
Një tjetër objektiv është Mario Balotelli, i cili mund të afrohet me parametrat zero, pasi kontrata me Nicen i ka skaduar.
Pastaj edhe Angel Di Maria futet në këtë mes si përforcim i madh i klubit dhe do të kërkohet me ngulm në verë.
Klubit do t’i largohet kapiteni Marek Hamsik, për të cilin interesohet skuadra e Shandong Luneng në Kinë.
Hamsik pritet të përfitojë 40 milionë euro për tri vite, ndërsa De Laurentiis mund të fitojë 30 milionë euro nga shitja e tij.
Këto para do të përdoren për përforcime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
