Thomas Muller do të vazhdojë të jetë pjesë e Bayern Munich edhe për sezonin e ardhshëm.
Klubi bavarez dhe sulmuesi gjerman, kanë rinovuar kontratën e tyre deri në vitin 2025.
Pjesë e Bayern-it nga moshat, Muller tashmë në moshën 34-vjeccare ka firmosur rinovimin dhe me shumë mundësi do e mbyllë karrierën te kjo skuadër.
“Jam i lumtur që rrugëtimi im me Bayernin vazhdon. Dua të luaj rolin tim, që të vazhdojmë të jemi të suksesshëm, si skuadër ashtu edhe si klub.
Është e rëndësishme për mua të jem gur themeli dhe të ndihmoj ekipin që të ecë në drejtimin e duhur. Dua të emocionoj tifozët tanë me gola, duke ndihmuar edhe me krijimin e golave, me dashurinë time për lojën dhe me pasionin tim për futbollin. Shpresoj që të fitojmë shumë tituj të tjerë”, tha sulmuesi pas nënshkrimit të rinovimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
